المقاله تحت باب  أدب شعبي
في  15/06/2008 06:00 AM
GMT

أمس يكتل كبل واليوم يلغي الراح
عبارة عن صراع العمر عنوانه
وناس شكد تجي واتروح ازيد ناس
وبس الما اله هم تثمر اغصانه
ابجف العمر والجف الاخر موت
شايلهة البشر مايعرف اوزانه
معادلة البشر محلولة دون اسباب
المطلب يحل نفسة ابيومة نقصانة
من كتر العمر والكتر الاخر موت
ويساوي البشر صاير منتصف شانه
عاليمنة شكثر يحسب يعد مقياس
وعاليسرة يساوي اتلفة تربانة
مو عجبة الجدم يترك اثر عالماي
العجبة اللي يزخرف وشه بجريانه
مو عجبه اليشيلة نعشة نفسه الميييييييييييييت
لأن كلهم اخوتي وكتل صحبانه
تاليهة لنعش صحبانه بيده ايشيل
يومة هذا لكن بدة ابجدمانه
يصح واحد كريم ابجسمه تحصد ناس
ويحصد مايكص لايكص ذرعانه
وعلى جسمة يحافظ مو عمر وايطول
على جسمة يحافظ لاجل خلصانه
يمشي هالعمر بس مايتيه ابيوم
ابهيئة كبر بيته ومخفي تبيانه
يمشي هالعمر جن مو عمر مكتوب
وساطة نقل وايوصل لموتانة
وك مدري شعجب وكفته هالاحقاد
ماجنه نهر بيه احنه سدانه
من انطخ عمر احنه اللي مذنبين
ومن يلجمنه هوه واهب احسانه
مرتاح العمر وابهودج الاقدار
وعلى لغمة يدوس وعلى السندانة